唔係漢堡? :D
之前在灣仔屋企附近開了一間門面寫著“Not a Burger"嘅店舖，起初以為是一間普通的漢堡店，直至最近自家一個人，有時間走去試一吓，才知一直誤會了。
店舖門面用黑字蛋黃色主調，十分eye-catching，入到去發覺不似一般漢堡店，裝潢有點港式快餐店feel。
除了漢堡外，還有一些薯片小食售賣。望望menu，發覺這裡原來是出售Rice Burger韓式飯堡來的，望落D相都幾吸引，左顧右盼，好似樣樣都想試，最後選了芝士漢堡扒飯堡試一吓。
等了5分鐘左右，終於飯堡到手，銀色錫紙包裝上印了Cutie飯堡公仔pattern，有心思幾得意。
打開來看，一個類似飯糰的形態呈現眼前，飯堡選用了珍珠米，食落軟糯有咬口但較鬆散，飯粒間夾雜了一點點紫菜，中間除了芝士和薄漢堡扒粒外(是的，這裡的漢堡扒是切粒和較彈牙的)，還配了韓式甜辣醬汁，帶出點點韓風滋味，雖蓋過了芝士味但整體配合，味道不錯，幾香幾惹味，亦因整個飯堡沒有太多煎炸食材，算幾清淡飽肚，作為一頓simple lunch是一個不錯選擇。
古家私房菜
本肥仔廚藝不算精湛，勝在有三心兩意－－用心、耐心、貼心、創意同心意，見到朋友食得開心嘅同時，我亦覺高興！
Search